2010.07.24
阿倫挺肥腩開騷
肥腩係 身份嘅象徵嚟 o架！（設計對白）
阿倫呢套衫，顏色夠搶眼，但唔知係咪褲頭太窄，成個肥腩咇曬出嚟。
個個偶像級歌星，男好女好，逢開騷前都必定要減肥 keep fit，以完美身形登台答謝歌迷。唯一例外嘅，相信係阿倫。
雖然年過五十，但阿倫一直自詡係偶像派。佢一連 8場嘅「再度感動」演唱會，上週五（ 16日）喺紅館開騷。佢全晚換咗多套閃爆又倀眼嘅服裝，其中一套窄身嘅螢光橙色衫，搶就非常搶，但完全凸顯佢嘅肥腩。咁搞法，件衫幾搶都冇用啦！
當晚阿倫頻頻蝦碌，除甩嘴外，女工作人員為佢戴手鈪時，戴極都戴唔到，搞到阿倫尷尬儍笑。
最捧場嘅非草蜢莫屬，第一場台下睇騷，第三場就直情上埋台做嘉賓。
《蘋果日報》圖片