譚詠麟.COM >> 資訊 >> 2011 >> 2010.07 >> 詳細內容 在線投稿

2010.07.24
阿倫年年廿五

收藏 發給朋友 舉報 來源: 快周刊 624期   提供:譚詠麟.COM 【瀏覽:286次】
地點:紅館/時間:7月16日

樂壇新人唔掂,造成老薑依然有價有市,好似校長譚詠麟咁,你講得出近年一首佢Hit嘅新歌,辣妹都寫個「服」字俾你,但佢老人家仲有Power喺紅館開八場「譚詠麟2010再度感動演唱會」,連班所謂嘅天王天后都要彈開。

為咗個唱,校長展開地獄式減肥兼練氣,雖然喺台上都仲係肥仔嘜,但總算叫清減不少,尤其唱到唔斷氣呢家嘢認真勁,頭場居然玩到凌晨12點先散場,結果被罰五萬大元。

記得校長有叫金句:「我年年廿五!」原來係堅喎!只見佢又唱又跳,仲激到跪地大嗌,拍埋班後生仔都唔輸蝕,難怪連出名舞得嘅草蜢都睇到舉手High爆,點解校長可以喺樂壇企咁耐?真係有原因嘅。


當晚有好多跟咗倫伯幾十年嘅Fans,有部分仲可以上台同偶像近距離接觸。


偶像瞓身演出,即時令台下Fans情緒高漲,企曬起身。


唱到凌晨12點個唱終於落幕,兩個字「抵睇!」。


草蜢都俾倫伯嘅精湛演出搞到情緒高漲,可想而知當晚現場氣氛有幾勁。


倫伯玩Band出身,同太極嘅雷有暉亦老友鬼鬼,喺台上大合唱。


倫伯本身經已係巨星,所以嘉賓唔使太勁,隨便搵個女樂手上台合唱都得。


完騷後,倫伯帶埋Mr.出席記招,認真提攜後輩。


唔止藝人捧場,連名人界的邱子傑都帶埋老婆邱李茂琪嚟捧場。
發表評論

網友評論僅供網友表達個人看法,並不表明本網同意其觀點或證實其描述。

查看全部回復【已有0位網友發表了看法】